GOLCHI 22 O GYRFF I'R LAN YM MHWLLHELI (1918)

Description

Date: 18 October 1918

Transcript:

GOLGHI 22 O GYRFF I'R LAN YM MHWLLHELI.

Yn ystod diwedd yr wythnos golchwyd 22 o gyrff i'r lan yn Lleyn, sef yn Aberdaron, Porth Neigwl, Llandegwnig, Abererch a Phwllheli. Cafwyd rhai o'r cyrff gan y pysgotwyr yn nofio ar wyneb y dwfr. Bu i'r long o'r enw Burutu, perthynol i'r Elder Dempster Co., gael ei suddo mewn gwrthfarawiad wythnos yn ol a chollwyd 170 o fywydau, ac y mae sicrwydd mai cyrff y cyfryw yw'r rhai hyn.

Bu i Mr. O. Robyns Owen gynal trengholiad ar ddeg o'r cyrff dyddiau Iau a Gwener ac yr oedd Mr. Arthen O. Owen yn bresennol ar ran cwmni'r llong, ac yn datgan cydymdeimlad a theuluoedd yr ymadawedig. Wele rhai o'r personau a gafwyd:—

Dr. R. Bealle Brown, o Lerpwl, oed tua 40; E. G. Mercer, 35, peirianydd, mab Uch-gapten Mercer o Sidcup, Kent; Muriel S. Belwar, boneddiges briod gyda'r dyddiad 3.11.15 ar ei modrwy a'r enw Muriel;, Harry Giles Gee, cafwyd yn Porth Neigwl gwallt du, ac yn 5 troedfedd, 11 modfedd o daldra; George A. Wilson, cafwyd yn yr un lle; Julius Bruse Adlam. Yr oedd tystysgrif genedigaeth plentyn yn ei logell dyddiad 5.3.14 arni; W. Hunford yr oedd modrwy ar ei law gyda'r llythyrenau L.E.T. i W.H. arni; Lumsden Mathlson, peiriannydd, Southshield; William George, Blackburn, peirianydd, Southshield; Arthur Mosley, Wesy Derby Road, Lerpwl, yr oedd darlun yn ei logell a'i hanes yn cael ei saethu yn ei goes pan yn glanio milwyr yn y Dardanelles. Yr oedd ol yr ergyd i'w weled yn ei goes. Cigydd ydoedd ef ar y llong. Yn hwyr nos Wener daeth corff nyrs oedrannys i'r lan ger Pwllheli.


Source:
‘Golchi 22 o gyrff i'r lan ym Mhwllheli.’ Y Dydd. 18 Oct. 1918. 3.

• https://newspapers.library.wales/view/4109213/4109216/6 (link opens in new window)