Date: 10 April 1917

Transcript:

SUBMARINE Y GELYN YN AGOSHAU.—Y dydd o'r blaen suddwyd agerlong berthynol i Norway dair milldir y tuallan i Ynys Enlli, a glaniodd y dwylaw ar yr ynys oddeutu wyth o'r gloch y nos, pedwararddeg mewn nifer. 'Roedd rhai ohonynt yn gallu siarad Saesneg yn dda. Dydd Sul daethant drosodd o Enlli i Aberdaron dan gyfarwyddyd rhai o bobl yr ynys a ddaeth drosodd gyda hwynt. Cawsant luniaeth a chynhesrwydd. Yna ymadawsant gyda'r motor Tocia am eu gwlad eu hunain. Dyma'r waith gyntaf i ni fod yn llygaid dystion o alanastra Germanaidd. Nid oeddym ond clywed son yn flaenorol. Clywyd y ffrwydriad hefyd oddiyma. Clywir swn magnelau yn ddyddiol yn y mor. Credwn fod yr helyntion yn llawer mwy na'r hyn a welwyd.

Source:
'Submarine y gelyn yn agoshau.' Yr Herald Cymraeg. 10 Apr. 1917. 3.